Cwblhau ffurflen gais
11. Cwblhau ffurflen gais
Y dyddiau hyn, bydd mwy a mwy o sefydliadau'n
gofyn i chi gwblhau a dychwelyd eu ffurflenni cais eu hunain yn
hytrach nag anfon eich CV yn unig. Y rheswm am hyn yw bod yr
wybodaeth am brofiad, diddordebau etc yn yr un lle ar gyfer pob
ymgeisydd ar bob ffurflen, ac mae hyn yn ei gwneud yn haws
penderfynu pwy i wahodd am gyfweliad wrth edrych drwy geisiadau am
swydd wag.
Mae hyn yn golygu bod yr hyn sy'n cael ei
ysgrifennu a sut yn bwysig iawn i sicrhau bod eich cais yn cael
sylw ychwanegol a'i fod yn creu argraff dda.
Cyn i chi
ddechrau
Mae paratoi'n briodol yn osgoi perfformiad
gwael. Ar ôl derbyn y ffurflen gais, gwiriwch y dyddiad pan fydd
rhaid i chi ei dychwelyd. Gallwch wneud camgymeriadau os byddwch yn
ei gadael tan y funud olaf a gallech golli'r dyddiad cau hyd yn
oed.
- Darllenwch y cyfarwyddiadau'n ofalus.
- Gwnewch yn siŵr eich bod yn deall yr holl
gwestiynau. Os nad ydych yn sicr, gofynnwch i rywun eich
helpu.
- Ysgrifennwch eich atebion ar lungopi o'r
ffurflen. Bydd hyn yn osgoi cywiriadau ac yn caniatáu i chi newid
eich meddwl, yn enwedig os penderfynwch newid rhywbeth.
- Ar ôl i chi gwblhau copi, gofynnwch i rywun
ei ddarllen gyda chi i sicrhau eich bod wedi cynnwys yr holl
feysydd pwysig.
- Wrth i chi wneud y paratoadau uchod,
sicrhewch eich bod yn cadw'r ffurflen wreiddiol yn lân mewn man
diogel yn barod i chi ei llenwi.
Cwblhau'r
ffurflen
Ewch i fan lle na fydd neb yn torri ar eich
traws a gallwch ganolbwyntio. Darllenwch y cyfarwyddiadau eto a
chymryd eich amser, mae safon yn bwysig. Gyda'ch CV wrth law:
- Defnyddiwch inc neu feiro du. Bydd hyn yn
helpu'r cyflogwr os bydd am lungopïo'ch ffurflen a gallwch chi
wneud copi ar ôl i chi orffen.
- Ysgrifennwch yn daclus, gan sicrhau ei bod yn
hwylus ei darllen a bod popeth wedi'i sillafu'n gywir.
- Cwblhewch un adran ar y tro.
- Cadwch eich atebion yn fyr ac yn
berthnasol.
- Os bydd angen mwy o le arnoch, defnyddiwch
ddarn arall o bapur a'i atodi i'ch ffurflen. Peidiwch â cheisio
gwasgu popeth ar y ffurflen ei hun. Bydd yn edrych yn anniben a
gall greu argraff wael.
- Os byddwch yn defnyddio papur ychwanegol,
cofiwch gynnwys eich enw a chyfeirnod y swydd rhag ofn y caiff ei
wahanu o'r ffurflen gais.
- Atebwch yr holl gwestiynau sy'n berthnasol i
chi. Rhowch 'Ddim yn berthnasol' os nad ydynt.
- Gwerthwch eich hun. Cofiwch bwysleisio'ch
holl sgiliau, eich profiad, eich rhinweddau a'ch cyflawniadau.
"Cofiwch - gall profiad a
sgiliau a gafwyd y tu allan i'r gwaith fod yn bwysig iawn
i'r swyddrydych
yn ceisio amdani hefyd. Gwnewch yn siŵr eich bod yn sôn amdanynt.
Cofiwch wneud copi drafft yn gyntaf a'i ddarllen yn
drylwyr."
Ar ôl i chi
orffen
Dyma'r adeg i sicrhau eich bod wedi gwneud
eich gorau i werthu eich hun i'r cyflogwr gan roi'r cyfle gorau i
chi am gael cyfweliad.
- Darllenwch eich atebion yn ofalus, gan
sicrhau bod yr holl ddyddiadau'n gywir.
- Gwnewch yn siŵr ei bod yn amlwg pa swydd
rydych yn ceisio amdani.
- Cadwch gopi i fynd ag ef i'r cyfweliad os
byddwch yn llwyddo i gael un.
- Ysgrifennwch lythyr eglurhaol byr i'w anfon
gyda'r ffurflen gais. Cofiwch gynnwys cyfeirnod y swydd os oes
un.
- Defnyddiwch amlen fawr; peidiwch â gwasgu'r
ffurflen i mewn i amlen fach.
- Anfonwch y ffurflen i gyrraedd y cyflogwr
mewn da bryd.
I ddechrau chwilio am swydd, edrychwch ar Becyn Swyddi
Gweithffyrdd: